Маја Апостолоска е родена на 07. 12. 1976 година. Дипломирала на Катедрата по општа и компаративна книжевност на Филолошкиот факултет Блаже Конески - Скопје, каде моментално е на постдипломски студии на Катедрата по македонски јазик. Авторка е на стихозбирките: Заиграј, веќе, мастилаво! (Зумпрес, Скопје, 2000 год.) и Прекин на комуникацијата (Бата пресс, Скопје, 2004 год.). Со Ј. Т. Етернијан го имаат приредено изборот од современата македонска поезија со библиски, религиозни и апокрифни мотиви, кој излезе како тематски број на списанието Стремеж (11.12) во 2000 година. Во периодиката објавува поезија, книжевни критики и препеви.